نئی دہلی،5اپریل(ایس او نیوز/آئی این ایس انڈیا)کے شیام کمار(49 کلوگرام) اور روہت ٹوکس(64 کلو کے) سیمی فائنل میں پہنچنے سے ہندوستان نے آج بینکاک میں چل رہے تھائی لینڈ انٹرنیشنل باکسنگ ٹورنامنٹ میں دو تمغے پکے کر لئے۔شیام اور روہت دونوں اس ٹورنامنٹ کے 2015 مرحلے کے تمغہ یافتہ ہیں۔ شیام نے طلائی تمغہ جیتا تھا جبکہ روہت کانسہ ملا تھا۔دونوں باکسر نے گزشتہ سال گوہاٹی میں سینئر قومی مقابلہ میں چاندی کے تمغے حاصل کئے تھے۔شیام نے تھائی لینڈ کے سماک سایہان کو شکست دی جبکہ روہت نے قزاقستان کے کاتوو کوان کو شکست دی۔اگرچہ دولت مشترکہ کھیلوں کے سابق طلائی تمغہ یافتہ منوج کمار اپنے ویلٹرویلٹ کوارٹر فائنل میں ہار گئے، انہیں آخری آٹھ مرحلے کے مقابلے میں ازبکستان کے گیاسوو شکھرام نے شکست دی۔شیام کی داؤ پیچ ابھی کیوبا کے جارگے ایلیجادرو گرنا میر سے ہوگا جبکہ روہت کا سامنا ازبکستان کے ابدرایموو ایلنر سے ہوگا۔